भिडियो हेर्न तलको बक्स भित्र क्लिक गर्नुहोस
 |
झापा, १५ फागुन । झापामा छुरा प्रहारबाट एक युवकको हत्या भएको छ भने दुई युवक घाइते भएका छन् । झापाको पृथ्विनगरमा शनिबार बिहान छुरा प्रहारबाट पृथ्वीनगर ६ का १८ वर्षीय राजन मगरको हत्या गरिएको र अन्य दुई जना घाइते भएका जिल्ला प्रहरी कार्यालय झापाले जनाएको छ ।
छुरा प्रहारबाट घाइते भएका मगरको ओमसाई पाथिभरा अस्पताल भद्रपुरमा उपचारका क्रममा मृत्यु भएको हो । यस्तै छुरा प्रहारबाट घाइते भएका पृथ्वीनगर–६ का सञ्जय उराउ र सञ्जय लिम्बूको अहिले उपचार भइरहेको छ ।गम्भीर घाइते लिम्बूको ओमसाई पाथिभरा अस्पताल भद्रपुरमा आइसीयु कक्षमा राखेर उपचार भइरहेको छ । उराउको छातीमा छुराको गम्भीर चोट लागेकाले भद्रपुरमा उपचार सम्भव नभएपछि धरानस्थित वीपी कोइराला स्वाथ्य विज्ञान प्रतिष्ठान रेफर गरिएको छ । छुरा प्रहार गर्ने कार्यमा पृथ्विनगर–६ कै सन्जोग लिम्बू र उनका केही साथीले गरेको अनुसन्धानबाट खुलेको प्रहरीको दावी छ ।
पुरानो रिसइबीका कारण सन्जोग लिम्बूले उनीहरुको हत्या योजना बनाएको हुनसक्ने प्रहरीको अनुमान छ । चिया बगानको टहरामा सुतिरहेको अवस्थामा सन्जोगले मगर, लिम्बू र उराउलाई छुरा प्रहार गरेका थिए । छुरा प्रहार गर्ने सन्जोगलाई प्रहरीले पक्राउ गरेको छ भने छुरा प्रहारमा संलग्न अन्यको खोजतलास भइरहेको जिल्ला प्रहरी कार्यालय झापाले जनाएको छ ।
भिडियो हेर्न तलको बिज्ञापन लाइ हटाउनुहोस
|
0 comments:
Post a Comment